ՎՍՀ-ում ՀՀ դեսպան Վահրամ Կաժոյանի հանդիպումը Վիետնամի ավիացիոն բիզնեսի ասոցիացիայի և Վիետնամի օդային հաղորդակցության կառավարման ընկերության նախագահ Ֆամ Վիետ Ձունգի հետ:

11 հունվարի, 2023

Ս.թ. հունվարի 11-ին ՎՍՀ-ում ՀՀ դեսպան Վահրամ Կաժոյանը (Vahram Kazhoyan) հանդիպեց Վիետնամի ավիացիոն գործարար ասոցիացիայի (Vietnam Aviation Business Association - VABA) և Վիետնամի օդային հաղորդակցության կառավարման ընկերության (Vietnam Air Traffic Management Corporation - VATMC) նախագահ պարոն Ֆամ Վիետ Ձունգի (Mr. Pham Viet Dung) հետ:

Հանդիպման ժամանակ կողմերը քննարկեցին Հայաստանի և Վիետնամի միջև ուղիղ օդային հաղորդակցության հաստատման հեռանկարները, զբոսաշրջության և տնտեսական ոլորտներում համագործակցության զարգացումն ու խորացումը, ուղևորա- և բեռնափոխադրումների հետ կապված խնդիրները, իրավապայմանագրային դաշտի ընդլայնումը և այլ հարցեր:

Դեսպան Կաժոյանը մասնավորապես նշեց, որ Հայաստանի և Վիետնամի միջև ուղիղ օդային հաղորդակցության առկայությունը կնպաստի երկու երկրների միջև առևտրատնտեսական, զբոսաշրջային և այլ ոլոտներում համագործակցության զարգացմանը և խորացմանն, ինչպես նաև թույլ կտա իրականացնել թռիչքներ Վիետնամից դեպի Հայաստան և այնուհետև տարանցիկ դեպի Ռուսաստան, ԱՊՀ, Մերձավոր Արևելքի և Եվրոպայի երկրներ:

Հանդիպման ժամանակ կողմերը պայմանավորվածություն ձեռք բերեցին զարգացնել օդային հաղորդակցության ոլորտում երկու երկրների միջև համագործակցությունը՝ այն սկսելով Հայաստանի Հանրապետության կառավարության և Վիետնամի Սոցիալիստական Հանրապետությա կառավարության միջև օդային հաղորդակցության մասին համաձայնագրի ստորագրումով:

Պարոն Ֆամ Վիետ Ձունգի հետ հանդիպմանը մասնակցում էին ՀՀ դեսպանության երկրորդ քարտուղար Արամազդ Մուրադյանը, իսկ վիետնամական կողմից՝ Վիետնամի ավիացիոն գործարար ասոցիացիայի համագործակցության փոխտնօրեն պարոն Լե Նյոք Թհանգը և Վիետնամ-Հայաստան բարեկամության ասոցիացիայի փոխնախագահ պարոն Զունգ Ման Քուոնգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր